Gañadores do Certame "POESÍA E IMAXE"

O día 3 de marzo, entre os alumnos que presentaron traballos ao XXII Certame de Poesía e Imaxe, foron seleccionados os seguintes:

 

·      Martín Rivas Dopico (2° C ESO). Ilustrou “Tanto te escondiche, sol...”, un poemiña do "poeta da montaña", o mindoniense Antonio Noriega Varela (1869 - 1947).

·      Andrea Pena Ramón (2º H Bac). Ilustrou “Engano”, un poema de Pooyan Farmanbar, poeta iraniano moi novo (naceu en Rast no ano 2000) que escribe na súa lingua, o persa. A proposta é para o remate do poema, pero a nós gústanos o texto completo e achegámolo coa imaxe do traballo.

 

Parabéns aos premiados: fixeron uns traballos estupendos!

Premios "Poesía e Imaxe" 2021

Ás sete da tarde do pasado 13 de outubro no centro Cultural Torrente Ballester tivo lugar o acto de entrega de premios do XXI Certame Artístico de Poesía e Imaxe «En galego, sen filtro». Resultaron seleccionados un total de 26 traballos de distintas modalidades: dez de educación primaria, cinco de ESO, catro de educación infantil, tres de bacharelato, tres da modalidade audiovisual e un de ciclo formativo. Catro dos vinte e seis traballos tiveron autoría colectiva e os demaisforos de autoría individual. Participaron no certame trece centros educativos. 

ALUMNADO PREMIADO:

•Modalidade A (Debuxo, pintura, collage e fotografía)

ESO.  Gañadora: Sabrina Cobo Rey (4º B ESO). Poema en lingua castelá. 

BACH. Gañadora: Marta Corral Ares (2º H BACH). Poema en lingua inglesa.

• Modalidade B (Audiovisual)

Gañadores:

         ESO. Alumnado de 3º D. Lingua inventada.

         BACH. Edan Pazos Barroso (1º H BACH)

PARABÉNS A TODOS E A TODAS!

Ana Dopico, coordenadadora do Equipo de Dinamización Lingüística do noso centro co alumnado premiado.

Marta Corral Ares foi a autora do debuxo elixido para o cartel do Certame deste ano.

Debuxo premiado de Sabrina Cobo Rey


Audiovisual premiado de Edan Pazos 

Unha aproximación a Xela Arias

 

Tres poemas de Carvalho Calero

Carvalho cunha alumna do colexio Fingoi (Lugo)
vestida para unha obra de teatro.

En 2010 celebrouse o centenario do nacemento de Ricardo Carvalho Calero. Na Homenaxe que daquela tivo lugar no centro cultural ferrolán que leva o seu nome, nun acto organizado polo Concello e a Coordenadora de Equipas de Ferrolterra, o noso instituto colaborou cunha actividade que agora queremos rescatar en lembranza do ilustre escritor, por fin homenaxeado nas Letras Galegas do vindeiro ano.

Naquela ocasión, dúas alumnas que non esquecemos, as irmás Lara e Noa Castro, leron marabillosamente tres poemas de don Ricardo: "Ai, as preguntas" (do libro Pretérito Imperfeito, 1980), "Ferrol, 1916" (de Futuro condicional, 1961- 1980) e "Calquer lugar é bo para morrer" (de Cantigas de amigo e outros poemas, 1980- 1985). Aquelas lecturas contaron co apoio audiovisual dunhas presentacións que foron elaboradas polo ENL do noso centro. Non temos aquí as fermosas voces de Lara e Noa, pero aquelas presentacións, agora pasadas a vídeo, podédelas ver a continuación.