O Equipo de Dinamización Lingüística do centro organizou unha serie de actividades para celebrar a festa do Samaín. A macabra pero divertida noite do 31 de outubro está a chegar!
O tradicional Día de Defuntos desde hai tres décadas deuse en chamar co nome de Samaín, o cal procede do gaélico irlandés, Samhaim, que significa "fin do verán". Trátase dunha celebración europea milenaria de orixe pagá, arraigada no nosa Terra, e que por culpa da adopción da norteamericana, ficou xa case reducida a unha festa de disfraces.
Co Samaín, os antigos celtas celebraban a transición do estío ao inverno na noite que vai do 31 de outubro ao 1 de novembro. Segundo a tradición, esa noite é máis fácil transitar entre os dous mundos: o dos vivos e o dos mortos. Os mortos poden transitan polo noso mundo e os vivos podemos transitar polo alén.
O EDNL organizou as seguintes actividades:
- CONCURSO DE CABAZAS DECORADAS
Podedes empezar a tráelas a partir do 25 de outubro. Estarán expostas toda a semana e as tres mellores serán premiadas por un xurado con membros do profesorado e do alumnado. Sabías que a noite de Defuntos tamén se chama a noite dos Calacús, porque así se chama a variedade de cabaceira grande que se adoita empregar nesta festa?
- CONCURSO DE RELATOS DE TERROR
Demostra o teu talento macabro e escribe un breve relato dunhas 150 ou 200 palabras. Premiaremos os tres mellores, pero seguro que todos meten medo.
- CONCURSO DE IDENTIFICACIÓN DE ÁNIMAS EN PENA
Haberá unha performance escenificada polo grupo de Artes Escénicas do instituto, dirixido por Belén Roca. Un fato de ánimas en pena percorrerán a xeito de zombis os nosos corredores no segundo recreo do venres 29 de outubro. Os primeiros e as primeiras alumnas en recoñecer os tétricos personaxes que representan (haberá pistas suficientes...) levarán un premio.
Animádevos e participade!
